الشِـعر دا عامّي

سامعني يا عـمي

ياللي نِداك بـفؤاد

والشِعر مُش خالــي

م الحُب يا خـالي

أبنود فـي موالي

والـشِعر دا ولاد

رتلتُه ع التـونسي

وجاهين سبب أُنسي

يا كلمة ما تنسي

الجد والأحفــاد

يا عمنا المـسرور

خلي الطـابق مسـتور

ياللي عشـانك نجب

م البحر ألف مِداد

وبعدّي مُش ناسي

عـمي وتاج راسي

فـ الشِعر أُستاذنا

يا نجمنا المِتقاد

وإنتي يا نور بِكري

ياللي الإيمان بكـري

ما تعلي من ذِكـري

غِنوة فـ كُل بلاد

وإنتا خميس عِزي

يا دُنيا ما تفـزي

جه أخر الـعنقود

جه أخر الأولاد

إرسم لي من دمـي

الشِعر دا عـامي

إقفل بيبان قصـري

بالغـنوة والإنشاد